Diingot hamu dope ale dongan?
Angka ende na jotjot ta endehon
na uju i
Tung mansai lungun do rohangku
mambege ende i
Ende na taendehon siganup ari
Molo ro lali si bontar imbulu i
tu hutanta, lak so hea do lupa hita mangendehon “linta di pat mu lali!”
Tutu do antong lao lali i
Diingot hamu dope ende “Jambatan
Tapanuli” i ale dongan?
Sai ta endehon do i huhut marmeam
di alaman ni jabu molo dung botari.
Diingot hamu dope ale dongan?
Ditingki rap hita marmeam di
huta?
Marsambar... marcendong..
marsitengka... marpoca piring, dohot na asing na i
Ah taheng..
Tung mansai lungun do rohangku
marningot i sude
Aut boi ma nian mulak tu
hahetehon i
Ai tung maniak do ate-ate
mamereng na masa saonnari on
So adong be dakdanak marsambar,
marcendong, marampera, marsiada
So adaong be na mamboto ende
“jambatan Tapanuli” i
Lalap tu warnet nama dakdanak nuaeng on
Marhata Batak pe nunga tung maol
Ah tahe...
Nga diluahon globalisasi i be sude
O ale dongan
Tung unang ma ta lupahon
bonapasogit ta on
Unang ta tanom angka poda na sian
ompunta be
Unang ta parsoada partuturan i
So tung maila hita marhata Batak
Unang olo hita pasombuhon adat ta
i gabe punuunang loas punu Bangso Batak ta on
Dok ma!
Dang na punu bangso Batak i
bahenonku
Ai halak Batak do au.
Ai hita do Bangso Batak i!
Horas!
Balige,
5 Oktober 2013 (edited11 jan 2014)
